ТУРШЛАГА СОЛИЛЦОХ АЖЛЫН ХҮРЭЭНД ТОМИЛОЛТООР АЖИЛЛАА.
2016-06-06 00:00:00 | 125Өмнөговь аймгийн Ханбогд сум дахь сум дундын шүүхийн шүүгчийн туслах Ц.Мөнх-Эрдэнэ, шүүх хуралдааны нарийн бичгийн дарга Б.Номинтунгалаг нар Баянзүрх, Сүхбаатар, Чингэлтэй эрүүгийн хэргийн анхан шатны шүүхэд туршлага солилцох чиглэлээр 2016 оны 05 сарын 23-аас, 27-ны хооронд ажиллаад ирлээ.
Шүүгчийн туслах Ц.Мөнх-эрдэнэ:
Тус шүүхийн хувьд нийслэлийн хамгийн олон хүн амтай дүүргүүдийг харьяалан ажилладаг бөгөөд Нийслэлийн прокурор, Тээврийн прокурор болон харьяа дүүргийн прокурорын газруудаас эрүүгийн хэргүүд хүлээн авч хянан шийдвэрлэдэг нь хэргийн ачаалал өндөр байхаас аргагүй юм.
Шүүхийн байр нь шүүх хуралдааны танхим, шүүхийн захиргааны ажилтнууд болон шүүгч нарыг өөр давхарт байхаар зохион байгуулсан нь их тохиромжтой бөгөөд шүүгч, шүүхийн захиргааны ажилтнуудын аюулгүй байдал, ая тухтай ажиллах нөхцөл бололцоог бүрэн хангасан мэт санагдсан.
Туршлага солилцох ажлын явцад зааж зөвлөн, хамтран ажилласан шүүхийн захиргаа хүний нөөцийн мэргэжилтэн, шүүхийн зохион байгуулалт хариуцсан мэргэжилтэн болон шүүгчийн туслахууддаа талархаснаа илэрхийлж цаашдын ажилд нь амжилт хүсье.
