Цагдаагийн тасагтай хамтран ажиллах төлөвлөгөө батлав
2017-01-26 00:00:00 | 114Хууль зүй дотоод хэргийн сайд, Шүүхийн Ерөнхий Зөвлөлийн даргын 2016 оны А/40, 113 тоот хамтарсан тушаалаар баталсан "Шүүх, шүүгчийн аюулгүй байдлыг хангах журам”-ын хэрэгжилтийг хангах зорилгоор Шүүхийн тамгын газрын дарга Э.Энхтүвшин, Цагдаагийн тасгийн дарга, хошууч Г.Наранбаатар нар уулзалт зохион байгуулан "2017 онд хамтран ажиллах” төлөвлөгөө болон мөн "Шүүхийн байр болон түүний гадна орчинд онцгой байдал үүссэн үед ажиллах” ажлын төлөвлөгөө баталлаа.
Цаашид төлөвлөгөөний хэрэгжилтийг хангах хүрээнд "Яллагдагчийг хуяглан хүргэх, албадан ирүүлэх, эрэн сурвалжлах ажиллагаа явуулах журам”-ын дагуу хоёр байгууллага 2 долоо хоногт 1 удаа уулзахаар тогтож, уулзалтаар ажлын уялдаа холбоо, хамтын ажиллагааг сайжруулах талаар санал бодлоо солилцлоо.
